Dr. Tandogan, i lindur në Turqi, studioi mjekësinë në Universitetin e Ankarasë, Turqi. Specializimin nga Oftalmologjia e kreu në Universitetin Heidelberg në Mannheim të Gjermanisë. Nga viti 1996 - 2002, dr.Tandogan punoi si kirurg i syve në Klinikën e Syve Tausendfensterhaus në Duisburg të Gjermanisë, ku kreu operacione të kataraktës, operacione refraktive dhe të retinës. Më 2003, ai u bë Kirurg Oftalmologjik Konsultant, për Projektin Oftalmologjik ‘Trent’ në Britani të Madhe, ku brenda 4 muajve i bëri rreth 2.300 operacione të kataraktës. Në karierë ka kryer mbi 30.000 operacione (kataraktë, retinë, menaxhim të komplikimeve, Lasik, PRK, phakic IOL, transplantime të kornesë, operacione të retinës dhe të glaukomës).

Dr. Tandogan ka marrë pjesë në shumë kongrese në Europë dhe SH.B.A si demonstrator, operator ‘live’, video-prezentime, etj.

Që nga viti 2004 punon në klinikën në Lunen afër Dortmundit, ndërsa nga marsi 2008 edhe në klinikën moderne në Dortmund.

Është anëtar i shumë shoqatave oftalmologjike si:
• DOG: Shoqata e Oftalmologëve Gjerman
• KRC: Komision për Kirurgji Refraktare
• ESCRS: Shoqata Europiane për Kirurgji të Kataraktës dhe Refraktive
• ASCRS: Shoqata Amerikane për Kirurgji të Kataraktës dhe Refraktive
• Si dhe shoqata të tjera

Ekipi permament

Bashkëpunëtorët e jashtëm

Bashkëpunëtorët nga lëmitë specifike