Shërbimet dhe Operacionet
Ballina → Shërbimet dhe Operacionet → Kirurgjia e glaukomës
Kirurgjia e glaukomës
Glaukoma paraqet një sëmundje të rëndë të syrit e cila karakterizohet me dëmtim të nervit të syrit që shkaktohet në radhë të parë nga rritja e shtypjes së brendshme të syrit. Si pasojë e dëmtimit të nervit optik të syrit, vie deri te rënia e pamjes (në fillim bie pamja periferike), e në fund, nëse nuk trajtohet, mund të vie edhe deri te verbërimi i plotë.
Glaukoma është një prej shkaktarëve kryesor të verbërimit në botë.
Përcjellja e dëmtimit të nervit optik bëhet duke kryer ekzaminimin e fushës së pamjes (perimetrinë). Perimetria është shumë e rëndësishme për përcaktimin e madhësisë së dëmtimit të fushës së pamjes, prandaj duhet të kryhet rregullisht. Poashtu, ekzistojnë edhe metoda tjera me të cilat bëhet fotografimi i nervit optik dhe përcaktimi i dëmtimit të tij. Ulja e shtypjes së brendshme të syrit së pari trajtohet me terapi medikamentoze apo me barna. Nëse me barna nuk vjen deri te ulja e shtypjes së syrit atëherë përdoren metoda tjera alternative, e këto janë: metodat laserike dhe metodat kirurgjike, me të cilat metoda mundohemi që të krijojmë rrugë të reja të rrjedhjes së lëngut të syrit. Në disa raste mund të bëhet largimi i thjerrzës me qëllim të lirimit të rrugëve të rrjedhjes së lëngut së syrit. Nëse edhe më këto metoda nuk arrihet që të zbritet shtypja e brendshme e syrit atëherë aplikohen të ashtuquajturat metodat ciklodestruktive me të cilat mundohemi që të zvogëlojmë prodhimin e lëngut të syrit.
Në klinikën tonë mund të kryejmë operacionet më të avancuara për uljen e tensionit të syrit, siç janë viskokanalostomia, sklerektomia e thellë, etj.
