Teknologjia
Ballina → Teknologjia → Argon Laser
Argon Laser
Trajtimi me Argon Laser Fotokoagulim mund të përdoret për të trajtuar një numër të sëmundjeve të syrit përfshirë sëmundjen diabetike të syrit, glaukomën, vrima dhe çarjet e retinës dhe sëmundje tjera. Argon Laser Fotokoagulimi mund të përdoret për mjekimin e sëmundjeve të syrit dhe parandalimin e sëmundjeve.
Aparati laserik i bashkangjitet biomikroskopit me të cilin kryhet ekzaminimi i syrit. Ky është një trajtim ambulantor i cili kryhet nga oftalmologu. Argon laseri paraqet një dritë të gjelbër dhe të kaltër, i cili fokusohet me qëllim të shkaktimit të një djegie mikroskopike. Madhësia e kësaj djegieje është 1/5 e një mm. Qëllimi i djegies është shkatërrimi i indit të sëmurë të retinës, me qëllim të parandalimit të komplikimeve që mund të rrjedhin nga ky ind i sëmurë.
Poashtu, trajtimi laserik mund të përdoret për të shkaktuar ad-hezione në mes të retinës dhe indit nën të, si p.sh. te vrimat retinal dhe çarjet e retinës, me qëllim të parandalimit të shkolitjes së retinës.
Trajtimi me argon laserik mund të bëhet në një seancë apo disa seanca. Tek disa sëmundje, si p.sh. te diabeti, nevojiten disa seanca të trajtimit me argon laser.
Argon Laser
