Shërbimet dhe Operacionet
Ballina → Shërbimet dhe Operacionet → Kirurgjia laserike
Kirurgjia laserike
Metodat e laserkirurgjisë për korrigjimin e gabimeve refraktive kanë marrë një zhvillim të hovshëm me paraqitjen e Excimer-Laserit. Ekzistojnë disa metoda laserike për korrigjimin e dioptrisë, siç janë: PRK, LASIK, LASEK, etj. Mësoni më shumë mbi teknologjinë e LadarVision 4000
Video e shkurtër mbi procesin e Kirurgjisë Laserike — Shiko versionin e gjatë (9:51 minuta)
LASIK (Lazer in situ Keratomileus): momentalisht është metoda më shpeshtë që zbatohet. Fillimisht preparohet një shtresë e hollë nga epiteli, nga shtresa e sipërme e stromës dhe ngrihet lartë si një fletë libri. Pastaj, në pjesën qëndrore të stromës aplikohen rrezet e laserit me qëllim të korrigjimit të dioptrisë. Në fund, shtresa e preparuar (në anglisht "flap") kthehet në vendin e vet. Me këtë metodë nuk ka nevojë të vendosen thjerrëza kontakti. Shtatëdhjetë përqind (70%) e pacientëve, që të nesërmen mund të drejtojnë përsëri automobilin.
PRK: tek PRK (keratektomia fotorefraktive, në shqip do të ishte KFR), epiteli i kornesë hiqet me një shpatullë nga sipërfaqja dhe zbulohet stroma e kornesë që ndodhet nën të. Pastaj, në këtë stromë aplikohen rrezet e laserit me qëllim të rimodelimit të kornesë dhe në këtë mënyrë korrigjohet dioptria. Pas aplikimit të laserit, mbi korne vendoset një thjerrëz kontakti, e cila qëndron disa ditë deri sa sipërfaqja e kornesë të epitelizohet. Pas një kohe, kjo thjerrëz largohet.
LASEK: është përzierje e PRK dhe LASIK. Tek kjo metodë, ngjashëm sikur tek LASIK, ngrihet një shtresë e hollë, por që këtu preparohet vetëm nga epiteli dhe heqja me laser kryhet sikur tek PRK-ja, në sipërfaqen e stromës. Edhe me këtë metodë, duhet të përdoren disa ditë thjerrëzat e kontaktit.
Me këto metoda arrihet që kornea të rimodelohet me një aplikim laserik të nivelit më të lartë kualitativ.
LadarVision 4000
